A LEI DE SERVIZOS DA SOCIEDADE DA INFORMACIÓN (LSSI)
A Lei de Servizos da Sociedade da Información e de Comercio Electrónico regula as obrigas ás que están suxeitos os prestadores de servizos da sociedade da información (en breve tempo, esta lei poderá verse afectada polo Regulamento de Privacidade Electrónica -ePrivacy 2021- da Unión Europea, que entrará en vigor en 2023).
O seu obxectivo é regular e protexer os dereitos dos usuarios dos servizos prestados a través de Internet.
As principais obrigas da lei son as relacionadas co deber de información ao usuario que navega por unha páxina web, así como a recollida de consentimento para determinadas actividades. Por este motivo, é necesario que as páxinas web recollan a seguinte información:
- Razón social, NIF, domicilio social, correo electrónico de contacto e datos de rexistro da organización.
- Códigos de conduta aos que estamos adheridos, se é o caso.
- Datos de pertenza ou titulación académica, no caso de que o provedor estea suxeito a unha profesión regulada.
- Prezos dos produtos, especificando cales son os impostos e gastos de envío, así como os trámites a seguir en caso de proceder ao contrato (no caso de que se vendan produtos).
- Informar e obter o consentimento do usuario en caso de utilizar cookies analíticas e/ou publicitarias. Para iso, unha boa práctica é incluír unha sección denominada “política de cookies” ou crear unha sección no aviso legal.
De incumprirse a LSSI pódense establecer sancións leves, graves ou moi graves que poden supoñer multas de 30.000 a 600.000 euros.