Zer dira estortsio ziber-erasoak?
Ohikoena gure posta elektronikoko kontutik edo helbide elektroniko ezezagun batetik geure buruari bidalitako mezu elektroniko bat jasotzen dugula da. Mezu elektroniko honetan, ziberkriminalak gure gailuetarako sarbidea izan duela ohartarazten digu eta, horregatik, gure irudiak eta bideoak badituela jarrera konprometitu batean edo are sexualean, baita Interneten gure bilaketa pornografikoen historiako datuak ere.
Komunikazio kezkagarri honen bidez arreta erakarri ondoren, premiazko kopuru bat ordaintzea eskatzen du kriptomoneta-zorro batera transferituz (hau da, trazatzen zaila den moneta-kontu birtual batera, bitcoin adibidez).
Eskaera horren ostean, mehatxatzen digu, hala egiten ez badugu, esandako irudiak, bideoak eta bestelako datuak gure kontaktu guztiei ezagutaraziko dizkiela edo Interneten publiko egingo dituela.
Nola saihestu dezakegu hori?
- Logika komuna aplikatuz: Har dezagun denbora pixka bat birplanteatzeko eta pentsatzeko posible den ziberkriminal batek gure gainean material eta informazio mota hori edukitzea.
- Urrezko araua, dena mesfidatu: Posible balitz ere, batez ere mesfidati eta ez izutu behar dugu. Komunikazio hauek uste baino ohikoagoak direnez eta kasu gehienetan guztiz ausazko zibereraso kanpainak izaten baitira. Erabiltzaile kopuru handi bati abiarazten dizkiete nazioartean, jendearen ehuneko bat beldurtu eta ordaintzea onartzen duen arte.
- Salatu: mezu elektronikoa pertsonalki jaso badugu, zerbitzu honen hornitzaileari (Microsoft, Google, Yahoo, etab.) ziber-eraso horren berri eman beharko diogu. Lantokian jaso badugu, gure betebeharra da lehenbailehen jakinaraztea Informatika Sailari edo IT Zuzendariari, CISOari eta DPOari (azken bi postu hauek gure enpresan edo entitatean badaude).
OHAR GARRANTZITSUA: Aurreko atalean deskribatutako bi kasuetako edozeinetan, polizia-agintariei ere salatzea gomendatzen dugu, ikerketa bat egin dezaten eta zibereraso kanpaina hauek geldiarazteko edota haien atzean ezkutatzen diren gaizkileak aurki ditzaten.