QR kodeak aktibo daude mundu teknologikoan 2009az geroztik. Hala ere, hasieran barra kode baten funtzionalitate bera izan behar zuena, gaur egun ezinbesteko baliabidea bilakatzen ari da gure egunerokoan. Ez bakarrik produktuei buruzko informazio gehiago lortzeko aukera ematen duen kode gisa, baita zenbait zerbitzu kontsultatzeko edo kontratatzeko baliabide gisa ere.
Jatetxeetan (menu digitala), aireportuetan (pasaportea, bisa edo txertaketa agiria) eta baita telebistako iragarkietan ere aurkitzen dugu. Baina Polizia Nazionalak dagoeneko ohartarazi du hainbat adierazpenetan QR kodeen bidez ziber-iruzurraren eta pharming-en erasoen (web orri faltsua) gorakada kezkagarriaz.
Gaurko aholkuetan ziberkriminal baten tranpan ez erortzeko kontuan hartu beharreko zenbait alderdi gogorarazi nahi ditugu:
- Erabili aurretik, pentsa ezazu ea ezinbestekoa den eta ez dagoen beste informazio alternatibarik: oso posible da erabiltzea guztiz beharrezkoa ez izatea. Batez ere bere benetakotasunaz ziur ez bagaude. Hala, zalantza izanez gero, hobe izango da informazioa beste bide batzuetatik (webgune ofiziala, informazio liburuxkak eta bestelakoak) kontsultatzen jarraitzea.
- Ziurtatu QR kodea zuzena dela: Jatetxeko terrazan, publizitate-kartel batean, liburuxka batean edo autobus geltoki batean QR bat eskaneatu aurretik, manipulatu ez den egiaztatu beharko dugu. Batzuetan, ziberkriminalek eranskailu bat gainjartzen dute beren QR faltsuarekin, benetako QR estaltzen dutelarik. Zalantzarik izanez gero edo mota honetako iruzur posible bat antzematen bada, hobe da manipulazioaren berri ematea eta informazio hori bera beste bide batzuen bidez kontsultatzea (establezimenduko langileak, webgunea, etab.).
- Susma ezazu QR-aren benetakotasuna dela ikusten baduzu esteka duen web-orriak zerikusirik ez duela, segurua (giltzarrapoa duela edo “S” bat duela http s amaieran) edo oso informaziorik gabekoa dela : QRaren funtzioa batez ere publizitatea eta informatiboa da. Ohikoa da kokapen mapa, posta elektroniko bat, jatetxe menua, webgune bat edo sare sozial bateko profil batera birbideratzea. Hala ere, eskaera datu pertsonalak, bankukoak edo ordainketako datuak sartzeko edo fitxategi bat, aplikazio bat deskargatzeko edo orrialde zuri bateko esteka batean klik egiteko bada, ziber iruzurraren teknika posible baten aurrean egon gaitezke.